Skechers 呢個來自韓國嘅體育運動用品品牌，大家早五六年前都未必見過什至聽過呢個牌子，但乘住早幾年嘅韓風肆虐，Skechers 呢個同鄉可謂係順水推舟，將品牌滲入到深受 K-Pop 文化影響嘅國家同地區，當然，包括我哋身處緊嘅香港同鄰近嘅大中華巿場啦。

Skechers 有幾風光？除咗最直觀地大家可以喺街上或各大小商場內見到 Skechers 嘅門舖同專櫃外，出到去行街亦能夠見到唔少人穿著由韓星著用而帶起熱潮嘅各種鞋款，而講到最架勢堂嘅莫過於 Skechers 喺美國嘅巿佔率曾經去到全美第二嘅高位。

K-POP 男團 EXO 曾為 Skechers 旗下鞋款 D'Lites 代言

不過隨住呢一兩年嘅韓流降溫，加上受各方品牌所施加嘅壓力，其中比較特別係 Adidas 曾經數次向 Skechers 提出抄襲起訴，同埋重新崛起嘅 FILA 喺風格同價格定位方面嘅追擊，而家 Skechers 嘅熱度確實明顯降低。

不過呢次嘅聯乘系列可以話係 Skenchers 近期最大嘅新聞，除咗因為品牌鮮有聯乘系列外，更大原因相信係因為聯乘嘅單位係憑其簡單嘅設計風格，多款顏色出品選擇，以及其價格定位親民令品牌近年受年輕潮人追捧嘅美國傳統運動品牌 —— Champion。

兩方聯乘單位均為運動品牌確實為業界鮮有嘅案例，不過相信係因為雙方嘅目標顧客群並伙明顯嘅衝突先能夠促成呢個可以話係史無前例嘅聯乘合作。講返呢次 Skechers 同 Champion 嘅聯乘系列本身先啦，呢個聯乘係服裝系列，主要係建基喺 Chmpion 嘅服裝上，再加上 Skechers 嘅品牌特色。就好似系列中幾件嘅 Sweatshirts 同 Hoodies 都係直接喺衫上不同位置放上 Skechers 嘅品牌 Logos 或品牌其他著名 Label 例如 D'lites。再簡單啲講，設計概念咪就係簡簡單單 Basic 設計囉。