每個男人心入面都有套最好睇嘅《高達》，有人可能鍾意《高達》、《Z》、《ZZ》等經典神作，又有人可能鍾意《W》、《G》等平成系列，更年輕嘅可能就對《Seed》、《Seed Destiny》又或《00》等印象最深。而縱然目前亦有《高達》新作推出，但熱度及人氣似乎無法與當年相比。近日有日本網民於Twitter發文表示，固中原因竟然係同作品入面嘅機體名稱有關？

ファーストからのガンダム好きの知人が「昔のガンダムは良かった」と言うので今の作品への批判が来るのかと構えてしまったのですが、「機体の名前がさ、ザク、ドム、グフとかで覚えやすかった」と続いたのでそっと心を寄り添わせました。

— なみHEY (@aya_NH) June 9, 2023

卻說日本繪師「なみHEY (aya_NH)」日前於個人Twitter分享佢同朋友嘅一番對話。佢話呢位由初代《高達》就已經係系列Fans嘅朋友，有一日突然同佢講「我覺得舊時啲《高達》好啲」，而當「なみHEY」想反駁時，朋友又補充：「渣古 (ザク)、大魔 (ドム)、老虎 (グフ) 呢啲名易記得多」。對此「なみHEY」立即放棄反駁並表示認同。

「なみHEY」呢篇貼文一出，立時就引起眾多《高達》Fans對於機體名稱嘅討論。有人認同真係記唔到近年新出機體嘅名稱，就連《水星的魔女》中嘅「風靈 (Aerial) 高達」，都係因為佢哋出嘅聯乘零食宣傳太成功先記得住。亦有人表示以前嘅《高達》機體命名方式非常簡單直接，例如太空坦克 (ガンタンク, Gun Tank) 同鐳射大炮 (ガンキャノン, Gun Cannon) 就真係「坦克」同「大炮」，自然令人容易記住。

マーケティング戦略のおかげでエアリアルは辛うじて覚えられた pic.twitter.com/FRSTMfCkTc

— もるのがわ　ちょうすけ (@1983216) June 9, 2023

ガンキャノンやガンタンクも分かりやすかったですね。どこからどう見てもキャノンとタンクで pic.twitter.com/VqhCzhe6h6

— にう (@niiiwton) June 9, 2023

亦有網民嘗試理性分析事件，表示經過多年創作，新作要為機體命名只會變得越黎越難，於是用字就自然越黎越偏門難記；亦有人提出如果新機體嘅名稱同舊機體太似，就可能會面對觀眾投訴「渣古邊係咁嘅樣！」，所以新作都會儘量改啲唔同嘅機體名。

好笑嘅係，有人留言到：「唔係呀，啲新作嘅機體名好似G高達 (ゴッド, God)、盟主高達 (マスター, Master) 同魔鬼高達 (デビル, Devil) 咁都幾易記呀！」結果就被人吐糟：「三十年前嘅《機動武闘伝G》(1994年播出) 都算係『新』？」當年星期日朝頭早會較鬧鐘起身睇嘅我頓時感到被冒犯。