美劇《Breaking Bad》以及其衍生作《Better Call Saul》被唔少影迷封為必追神劇，除咗Walter White、 Jesse Pinkman、Jimmy McGill等主角們，由Giancarlo Esposito所飾演嘅配角「炸雞叔」Gus Fring亦深入民心，完美詮釋皮笑肉不笑嘅冷酷反派形象。最近Giancarlo Esposito就表示，佢希望「炸雞叔」都可以推出一部前傳劇集，而且已經有好多想法。

Giancarlo Esposito日前於艾美獎上接受《Variety》訪問，被問到《Breaking Bad》應否再拍一部衍生劇時，佢就表示：「我認為最終應該會拍，而且可能會拍。我有好多故事前提可以提出，如果而家可以同Vince Gilligan（Breaking Bad及Better Call Saul主創）商討，我會提議佢拍『Gus的崛起』，探討炸雞叔嘅成長家庭背景、上位過程等，將會非常有趣。不過等返佢幾年先啦，佢而家忙緊另一部劇集，等佢忙完返嚟再同我傾。」

Giancarlo Esposito says “I think eventually there should be, and there might be” a “Breaking Bad” spinoff centered on “The rise of Gus”: “What are the pieces that made up Gustavo Fring?” https://t.co/dY9Pcex2V0 pic.twitter.com/jGhEEElTOR

— Variety (@Variety) January 15, 2024