Photos: https://www.behance.net/gallery/37932461/TRUCK-FOR-AUDI

大大張相見到一部有Audi logo，疑似係概念車嘅拖頭運油車，會唔會真係Audi設計部突然身痕冇嘢搞，整啲design project玩吓咋！

一望就知呢啲好大機會係「非Audi」創作，呢幾年，好多對汽車設計勁有heart，又或從事設計工作嘅東歐、俄羅斯嘅年青人，經常喺網上發表佢哋對歐洲汽車品牌嘅可行提案，唔少都好有創意，好大膽。

如果將呢啲concept car商品化好似「阿媽煮個麵你食」咁簡單，咁就正喇，一落街已經睇到車展喇，仲使乜鬼山長水遠去東京、日內瓦、法蘭克福？

今次呢部由烏克蘭兩位巴打設計嘅拖頭運油車，未有命名，成個project只係叫「Truck for Audi」，話明概念設計，梗係以靚行先，大家鬥創意，鬥吹水唔抹嘴。

據佢兩位講，呢部拖頭運油車以電力驅動，具有自動駕駛功能，拖頭有兩個座位，但「無瓦遮頭」，乘客/司機要戴頭盔同氧氣喉。最正係，成部車以黑色主調，靚就靚喇，不過，黑色係「吸熱王」，犯到正運油車最唔應該犯嘅錯誤。

另外呢，座位高高在上，唔見有車門，亦唔知點上落，運油缸同拖頭嘅距離又極近，完全唔make sense……話咗係concept嘛，唔好咁認真啦，畀條生路人哋幻想吓都得啩！

截住你幾嘢唔想你太認真，係唔係當堂冇晒癮？

放鬆啲，幻想吓，唔好嘢嘢都太認真，AV girls喺樓下等緊你上私人飛機去Las Vegas嘞，仲覆你老細WhatsApp？你睇吓飛機幾多嘢食，你見過飛機有咁豪嘅飛機餐未？你睇吓條露筍幾有露筍味，你睇吓條象拔蚌幾粗，你睇吓隻鮑魚幾咁……